Srakomlatom protiv olupina iz samoborskih šuma

mojzagreb.info
 

Zagreb

 
Portal Zagreb Zagreb
Osvježeno
02:59
Svi
2020
29

Zagreb › Lifestyle › Strip › Srakomlatom protiv olupina iz samoborskih šuma

Zagreb Čitajte Pelikana
DICK Profesionalni kuhinjski noževi
 
 

Srakomlatom protiv olupina iz samoborskih šuma

Kričala je kak stekla dok sam je vlekal za zadnje noge: "Đukice, tiho budi, pa i meni je to prvi put!"

Nigdar još nisam spašaval sraku u nevolji. Bečala je sve jače, glasnije i strasnije. Perje je frcalo na sve strane i kopitali smo se po zadnjem zicu i jedva sam joj klun otkvačil od kuplunga, kak se po meni hitala. Vrag te dal, ak bu se i dalje tak ritala moral bum je vezat lisicama za volan. Začkomila je tek kad sam joj zvadil van krila kroz pod od kombija. Duboko je uzdahnula i sve mi objasnila u jednom dahu - kak na spovedi.

"Princa ni bilo doma (još uvek), a ja sam gladala (kak uvek) seriju Otpisani - i nis čude popila, morti pol litre muškata Šafranovog, a onda je nekaj tresnulo. Prvo sam mislila da sam opala z gnezda, a onda sam vidla da je nekaj opalo na gnezdo. A onda više nis niš vidla ni čula. Ko je dopelal stari kombi u šumu u pol noći? Pa kakva to moraš živina biti da v šumu kombija otpelaš i sraki na gnezdo parkiraš. Tak je i prošlo leto jedan deda punu prikolicu frižiderov iskrcal tu pred mojim vratima. Kreštala sam i kričala, zvala komunalac, al znate kak to pri nama ide - ak ne začkomim i skrijem se iza ugla mogla bi me strefit il sačma ili kugla!"

Niš se ti ne boj Srako - sad si u sigurnim rukama ekologa, vidli buju oni svog Boga.

Odrešil sam je muka - dal joj pokoru (počistila mi je Zelenka od snega), a onda smo z njim prešli pol Žumberka i Samoborskog gorja i baš nam je lepo bilo. Ja sam joj pričal kak sam stručnjak za ovakve krizne situacije s olupinama i kak mi je ona prva (poslije onih 15 000 bivših). Ispalo je i da smo bili susedi. Ona već godinama lepo popeva (kak i saka Sraka) i tvrdi da bedaki noriju saki dan, a mi drugi samo na fašnik. I ona je ko mala srakica živela u Rudama u Črncu, a ja sam bil v Jarku, a i sad nisam promjenil" dlaku" - stanujem na Čudomerščaku. I ona se srkasila u Lepoj Varoši na broju 1 i 2 i glasnogovornica je kulturne manifestacije "Nabavite si vizu jer nebumo preživeli krizu". Neki se već rivaju izlazu blizu.

Eto kak je svet mali i kak bi tu lepo bilo živeti da je više Sraka, a manje bedaka.

PS. Sraki sam objasnil da se glede nas dvoje još malo strpi. Najbolje bi bilo o istom trošku njenog zakonitog Princa olupinu otpelat na CIOS i neke novce pobrat, a od Europske unije tražiti naknadu štete za novo gnezdo koje nebu imalo frustraciju, al bu imalo energetski certifikat, legalizaciju, fiskalizaciju i da bu nastupila svjetla budućnost. Amerikanci budu za srake ukinuli vize, već se nazire izlaz iz krize, mogla bu imati i novi crkveni brak. Ak se složi i potpiše, kuma bu joj osobno gospođa Mrak .

ps…Ovo su zgode od prošle godine. Sraka je prizdravila ali zbog teških ozljeda zadobivenih u borbi s olupinama više ne leti. Kako osjećamo moralnu odgovornost glede ozljede uzrokovane olupinom gospođi Sraki udruga Zelene stope je povodom novih fašničkih spelancija donirala ovoj plemenitoj ptici jedan Srakomlat. Namjera je da zajedničkim snagama nadletimo brojna srakina gnezda i na reciklažu odvezemo preostale olupine iz samoborskih šuma.

Tekst i fotografije: Romeo IBRIŠEVIĆ

 
Sraka i srakomlat Srakomlat 2 Dsc 9671 Rom 5612 Rom 5634
 

Zagreb › Lifestyle › Strip › Srakomlatom protiv olupina iz samoborskih šuma